تشدك بخصر لـو تمايـل بقـده مـال // تخيل معي جلسـه معاهـا خصوصيّـة

ألا يا جنان الخلد والقلـب يمـك مـال
غلا والغلا يذبح مـع الوقـت راعيّـة

ولا ألوم خفاقٍ تولّـع علـى مـا قـال
و منهو يلوم اللّي ذكـر حـب غاليّـة

جنان الله الواحد هي الخيـر والمنـزال
يطيـب الخيـال ليـا تذكرتهـا شويّـة

إله يبيـعـه بالثـمـن والنـبـي دلال
وجبريـل يبـداك التحـيـة براضـيّـة

ليامن تذكرتـه يصيـر الخيـال هبـال
خصوصا وحنا برضنا الحيـن طرقيّـة

بدُنيا.. تمسينا علـى الهـم والغربـال
ومع الصبح تلقى الخلق فيها شقاويّـة

نطارد وراهـا همنـا جمعـة الامـوال
نمنـي أملنـا فـي مصالـح خرافيّـة

ألا ياجنان الخلد مـا تنشـرى بالمـال
سوى اللي جعل ماله على حساب واليّه

ولا ألوم من حبََََََََّه إذا صال فيها وجـال
علشـان عيـن للمهـا تهـون بريّـة

علشان حور شوفها يُطرب اللـي نـال
الا واهني من خم يالربع حووووريّة !!!

أُم العيون السود والرمش لهن اظـلال
تموج المشاعر بيـن ليلـة وصبحيّـة

تمـرآ بخـدٍ يعكـس الـدر والخلخـال
وشعر ٍ يلاعب عطرها ..شويّه .. شويّّة

والمبسم اللّي مثل برقٍ شعـق بخيـال
تقول الشفايـا تلفـظ الفـاظ سحريّـة

تشدك بخصر لـو تمايـل بقـده مـال
اجل كيف نهـده والمفاتـن و وسطيـة

دام إن ِ مخ الساق في جلدهـا ماحـال
تخيل معي جلسـه معاهـا خصوصيّـة

تخيل لياشفته بقصـر الذهـب تختـال
وانتـه تعـادل بالعـدد قـوة المـيّـة

بأكلك وشربك ..في جماعك ولا تهتـال
تهـون المعاصـي ياتذكـرت عربيّـة

في وسط الجنان تعيش بة مستريح البال
لا تمرض ولا تعرى ولا تجوع موليّـة

ظلال الدوانـي مدهـا خالقـه بظـلال
مهو لجل شمـس حطـه الله شمسيّـة

مُحالٍ تشوف الشمس والبرد فيها محال
ولا نـوم فيهـا .. والسعـاده أبـديّـة

عَليلك سريـر مرتكـي تقهـر العـذال
عواذلـك بالدنيـا تـزايـد مكـاويّـة

ليامن تخيّرت الفواكـه تجيـك أشكـال
ولحم طير ما تتعب بها اتجيك مشويّـة

كما اللولو المنثور فيها يطـوف عيـال
معاهم مـن الفضـة قواريـر فضيّـة

عيون بعاليهـا تفجـر كمـا الشـلال
مزاجه مـن الزنجـب بنكهـه خياليّـة

سرايرك مرفوعة وموضوعة الفنجـال
ونماريق مصفوفـه و زرابـي زوليّـة

لِباسك حرير اخضر ٍٍ من نفيس الشـال
مع استبرقٍ من شجرة الطوب فخريّـة

على رفرفٍ خضر ٍ متكي تنـول آمـال
بطاينـه ديباجـه أجـل كيـف فوقيّـة

بها خيمةٍ من لولـوه طولهـا باميـال
وعرضه على مد البصر فيـه مرضيّـة

على أنهُر الجنة يطب الهـوى والفـال
عسلها ولبنها وخمرها تحـت رجليّـة

تسمّع بسوقه رجّسة الحـور بالمـوال
وتحثو بهـذا السـوق ريـح ٍ شماليّـة

ويُنادي مُنادي أن أجيبوا نِـدى المتعـال
وتجيك النجايب فوقهـا الخلـق ركبيّـة

وعلى الوادي الأفيح هو الوعد والمنزال
ولا فيهـم الادنـى وكلـه سواسـيّـه

يشوفون رب ٍ امنوا فيـه بيـومٍ خـال
مثل ما يشوفون القمر شـوف عينيّـة

بيوم المزيد اللي حوى مُنتهى الإجـلال
ولا فيـه واحـد مـا يحاكيـه فرديّـة

عسانا معاهم بامـرك اليـوم يافعـال
تعالى إله الكـون عـن مثلـه وزيّـة

( ثباتك بهالدنيـا رغـم قولـة القـوال )
( تزيـدك امـام الله رفـعـة وعلـيّـة )

( ترى جنـة الفـردوس تبغالهـا ابطـال )
( ما تبغى أرجالٍ غارقـه فـي بلاويّـة )

تبيله صلاة الفجر ينهض لهـا بالحـال
((( وينقى ظواهـر ظاهـره مـع خوافيّـة )))

وصلاتي على محمد عدد طشة الهمـال
وعدد ما تهب ريـاح شـرقٍ وغربيّـة

صــ لسآن ــح شـآعرهآآآ .. هذآ القصيـد ولا بـلآااش ..

أختيـآر محبتـكم

غزآل

صح لسانكـ ولسان قايلها

فعلاً قصيده رااائعه راائعه

اختيار جميل

يعطيك العافيه اخت غزال على القصيده

تحياتي

عليه الصلاه والسلام


صح لسان شاعرها..وجعلك تسلم غزال..


عزالله انها خووووش قصيدهـ..


عافاك ربي..