الــجــفــاء
24 Nov 2006, 03:17 PM
جيت الثمامة وجاني الهم والحــيرة
من فعل جيلٍٍٍٍٍٍٍٍ ظهر في وقتنا التالي
جيل تغير علينا يالله الخــــــــــيرة
عيال نعمة ولكن مالهم والــــــي
واحدهم اليا طرى فك أزاريـــــــره
حذف شماغه وعرض نايف الجالي
يركب على الجيب ويورّي جماهيره
عزي لحاله وانا ياعزي لحـــــالي
يحن قيره ولايعظيه تغـــــــييره
يرقى وينزل مراويح على الــخالي
سرداد مرداد لاذمه ولاغــــــــيره
ينقد على فعله مجنن وعقــــــالي
ياظالم الجيب كفوك تركب صغيره
لومي على ابوك لجله ركبك غــالي
الجيب ماهوب لك ياراعي الديره
الجيب للي يلوبه في الخلا الخالي
المذهب اللي متعتبته مداويـــــــره
ينشد ويسبر وغيره داله ســــالي
راعي المغاتير همه مع مغاتــــيره
يطرد وراهن وحاديه اشهب اللالي
والجيب ماهو لك يامضيع الجـيره
الجيب للي يثور ويحتمي الصالي
والجيب خلووه للي ناقل طـــــيره
يدعيه باسمه ويرفع صوته العــالي
هذا وانا ارتاح للبر ومسايـــــيره
يازين عقب التعب فالبر مقــــيالي
والليل لااقبل عليه في دياجــــيره
اشب ضوي واركي فوقها دلالـــي
يامحلا الصبح لاغنت عصـــافيره
صوت ام سالم يخلي الهم ينــجالي
في خايع مربع تلعب نــــــــواويره
مع طلعة الشمس ريحه يطرب البالي
وجدي على شوفة الشوكي وازاهيره
وجدي على شوف الارطاوي الى سالي
وجدي على شوفة التنهات والحيره
لاشفت انا البر كني شايف عيـــالي
للشاعر: (ابو مشهور)فهد المفرجـ
من فعل جيلٍٍٍٍٍٍٍٍ ظهر في وقتنا التالي
جيل تغير علينا يالله الخــــــــــيرة
عيال نعمة ولكن مالهم والــــــي
واحدهم اليا طرى فك أزاريـــــــره
حذف شماغه وعرض نايف الجالي
يركب على الجيب ويورّي جماهيره
عزي لحاله وانا ياعزي لحـــــالي
يحن قيره ولايعظيه تغـــــــييره
يرقى وينزل مراويح على الــخالي
سرداد مرداد لاذمه ولاغــــــــيره
ينقد على فعله مجنن وعقــــــالي
ياظالم الجيب كفوك تركب صغيره
لومي على ابوك لجله ركبك غــالي
الجيب ماهوب لك ياراعي الديره
الجيب للي يلوبه في الخلا الخالي
المذهب اللي متعتبته مداويـــــــره
ينشد ويسبر وغيره داله ســــالي
راعي المغاتير همه مع مغاتــــيره
يطرد وراهن وحاديه اشهب اللالي
والجيب ماهو لك يامضيع الجـيره
الجيب للي يثور ويحتمي الصالي
والجيب خلووه للي ناقل طـــــيره
يدعيه باسمه ويرفع صوته العــالي
هذا وانا ارتاح للبر ومسايـــــيره
يازين عقب التعب فالبر مقــــيالي
والليل لااقبل عليه في دياجــــيره
اشب ضوي واركي فوقها دلالـــي
يامحلا الصبح لاغنت عصـــافيره
صوت ام سالم يخلي الهم ينــجالي
في خايع مربع تلعب نــــــــواويره
مع طلعة الشمس ريحه يطرب البالي
وجدي على شوفة الشوكي وازاهيره
وجدي على شوف الارطاوي الى سالي
وجدي على شوفة التنهات والحيره
لاشفت انا البر كني شايف عيـــالي
للشاعر: (ابو مشهور)فهد المفرجـ