المساعد الشخصي الرقمي

مشاهدة النسخة كاملة : صباحـ الخير ياحزنيـ..!!

الــيــاســمــيــن
07 Nov 2006, 09:47 AM
صباح الخير ياحزني

على كرسيك الهزاز...!

صباح الخير لاصرنا

بـ صوره مالها برواز

أنا وأنت

على سجادة الماضي

فرشنا الليل مانمنا

وجانا الصبح ماقمنا

وعشقنا قصة الماضي بلا آخر

تنام فعينك الخرسا

وتصحى افحسرة الشاعر..

صباح الخير ياحزني

ومن يبقى؟!

يسامر حرفي المذبوح

ويسمع صوتي المبحوح

غير أنتَ ...!!

على كرسيك الهزاز والمغرور

تخاويني .. وتسألني

متى شباكك البحري . يشوف النور

متى تسمع طفل يبكي على حجرك ..؟

متى تجمع له الدنيا

وتسكن ضحكته فجرك ..؟

متى ياشاعر الحرمان ..؟

متى تستخدم النسيان ..؟

وترسلني .. ولو مره ..

أروح لآخر الشارع .. اشوف الناس

أشوف اللي بكى لجلك .. وأشوف اللي قراك احساس ..!

عرفتك من ثمان سنين

وتسع شهور

حكاية جرح ..

بدت بالموت واستكفت .. بظلمة نور

ودمعة فرح في جنبك ..

على كرسيك الهزاز ..

ولك تنحاز ..!

تسافر عنك من دونك

وتقطف دمعة عيونك

من غصون السهر والوجد ..!!

صباح الخير ياحزني ..

صباح البرد ..!

بتم بجنبك الشاعر

وبتم بجنبك الساهر

يجينا الصبح .. ما يطلع

تكلمنا عصافير الطريق اللي

تسب الدرب ماتسمع ..!

بنمشي لآخر الشارع

أناباحلام مشبوهه

وإنت بصمتك المنقوش ..

في كرسيك الهزاز

وإن جانا المطر نسأل

عن أيام الربيع اللي ثمان سنين ماتقبل

وأتم بجنبك الشاعر
وتتم بجنبي الساهر
بصورهـ ... مالها برواز

أنا وانت .. وهذا الكرسي الهزاز ..!!!

صباحـ أبراهيمـ الوافيـ
الالماسه
23 Nov 2006, 05:49 AM
مشكووووووووووووره اختي نوايف مره حلوه

والله يعطيك العافيه



الالماسه
+^+ المهــرة +^+
23 Nov 2006, 06:05 AM
نوايف الغلا ..
صباح الخير لاصرنا

بـ صوره مالها برواز

كلمات رائعه يعطيتس العافيه..

لاهنتي ..
&&فـــــ@ـــــد&&
23 Nov 2006, 05:54 PM
حكاية جرح ..

بدت بالموت واستكفت .. بظلمة نور

ودمعة فرح في جنبك ..

0

0

نوايفـ نـجـد

يسلمـ كلكـ ..

دمتِ بخير ..
الــيــاســمــيــن
25 Nov 2006, 05:30 PM
الالماسهـ

اللهـ يعافيكـ

اسعدنيـ تواجدكـ

دمتيـ بحبـ
الــيــاســمــيــن
25 Nov 2006, 05:32 PM
المهرهـ

هلابكـ ياغلايـ

مروركـ عطر المتصفحهـ

دمتيـ بـ سعادهـ
الــيــاســمــيــن
25 Nov 2006, 05:35 PM
فهد

وجود اسمكـ بصفحهـ منـ صفحاتيـ افتخر بهـ

دمتـ بـ سعادهـ