قصيده علي المحيا (لللشيبان فقط)

[الكونجرس]

هذه القصيده للشاعر المبدع / علي المحيا





يـاالله ياعـالـم بخـافـي حوالـهـا
رافـع سماهـا دون شـدة حبالـهـا
بستـة ليالـي ركـز الأرض والسمـا
يقـدر ولا يعسـر وربـي قوالـهـا
اودع بهـا الوديـان والرجـم والجلـد
عقب الجلـد نصـب نوايـف رمالهـا
وطشر نجوم الكـون والثانـي القمـر
تشـوف بالظلمـا قديـح اشتعالـهـا
وعزل نهـاره عـن ظلامـه بقدرتـه
وارسـل مليكـه ثـم رسـى اجبالهـا
واظهر لنا شمس(ن) غشى الخلق نورها
وليا اكسفـت حـال الخلايـق بجالهـا
فضله كثيـر بـس نطلـب بـه الثنـا
وحبل الثنا لاينقطـع عـن اوصالهـا
ثم(ن) خلق آدم وحـوى مـن الثـرى
ونفخ بهـم مـن روح جـلا جلالهـا
وصـاروا بجنـات النعيـم وتوافقـوا
عن شجرة(ن) شينه منعهـم اوصالهـا
وحداهـم ابليـس اللعيـن بطريقـتـه
ودهور انفوس(ن) مطمئنـه بحلالهـا
وجازاهـم الخالـق وفـرق لشملـهـم
من طـاع راي ابليـس هـذا جزالهـا
حـوى بشـرق الأرض وآدم بغربهـا
وكل(ن) قصد للوجـه الآخـر اقبالهـا
آدم ينـام الليـل والصبـح يبـتـدي
يبـي يشوفـه مـار دون اعتجالـهـا
وحوى تدوس الليل والصبح بالسـرى
مـن لهفتـه مـا لـذة النـوم جالهـا
وتقعد على كوم البـرد فـي طريقهـا
وتشكـي سمـوم القيـض واعزتالهـا
وتقابلـوا عقـب المسافـات والعنـى
وتعارفـوا بالشاهقـه مـن اجبالـهـا
ويا قـادر(ن) فـي ذا تقـدر لحيرتـي
بشاكيـك شربـاك العزيـزه وحالهـا
ياسـيـدي ياهقـوتـي يامضنـتـي
يـا مشتكـى عينـي ويـا مرتكالهـا
بشاكيـك الا يالله مـن جـور وقتنـا
دنيـا تصفقنـا علـى مـا طرالـهـا
والحـظ يندبـنـا وبقـعـا تحوفـنـا
دنيـا تحدتـنـا وسـكـر مجالـهـا
بالله ياللـي بـك غـيـره ومـقـدره
خلـك فطيـن بحالـنـا وشبدالـهـا
لولا الحسد والحقـد ماصـار وضعنـا
مثـل فلسطيـن الـذي شفـت حالهـا
بس بكـلام النـاس نسعـى لجهدهـا
ولااحد(ن) وقف معها ولااحد(ن) سعالها
ماجور ياقلـب(ن) تدهـورت بالقهـر
وعزي لنفس(ن) خبـث الوقـت بالهـا
قبل امس وانا عند ربعـي وعزوتـي
واليوم بديـار(ن) صعيـب(ن) منالهـا
وباكر على الدوحـه وعقبـه لغيرهـا
والله عليـم بحالـتـي وش نوالـهـا
امشي وانا مالي قرايب علـى ارضهـم
والروح من ماشفـت قـرب زوالهـا
ذكـرت حكـم الله بـاول قصيـدتـي
مـن هـب للقبلـي يديـر لشمالـهـا
هـو دايـر الأفـلاك يقـدر يديرهـا
ويطفي لهب كبـد(ن) يزيـد اشتعالهـا
تايه ولا ضل لي وطن يااهـل الوفـا
لي الولـي والـروح هـي واعمالهـا
والله لو انـه علـى مـا مضـى لنـا
عـن نزلكـم حالـي لدنـي ارحالهـا
واعـزي الـروح الغريمـه بـودكـم
واقـول روح مضيعـه وش غدالهـا
ماهـو ردى فيكـم ولا اسـب فعلكـم
يا لعنبـو نفـس(ن) غواهـا بحالهـا
قلته وانـا راسـي تزايـد بـه الطنـا
ومن سيد كـل النـاس ماهـم رذالهـا
أنا لابتي هم خيـرة الخلـق والبشـر
عقب الصحابه لابتـي هـم اجزالهـا
زوبع هلي غلبا هـلا العـف والنقـى
وشمـر خيـار القـوم شمـر ثقالهـا
شمـر هـلا الـردات شمـر بوقتهـم
شمـر علـى كـل القبايـل افعالـهـا
ولو هي تعود امجـاد شمـر وعزهـا
شمـر علـى كـل الخلايـق ظلالهـا
شمر هلا النوهات شمرهـلا الخطـى
شمـر طنايـا طـي شمـر اجبالهـا
شمر اعفاف العرض شمر هلا الخـوي
الفكر صخرهـا ولا احـد(ن) قوالهـا
من غير قاصـر بالقبايـل وحضرهـا
منهم مثل شمـر علـى مـا مضالهـا
إذا الناس ارض(ن) وهم شمر رجومها
ومهما زموا بالـزود شمـر اجبالهـا
وإذا الناس غيم(ن) زام واستنزل البـرد
شمـر بحـر مـا ضايقـه باحتمالهـا
وإذا الناس غيم زام بالجـو وانتهـض
شمـر نجـوم ولا وصـل مستوالهـا
والله لـولا لابتـي ضـايـع الـوفـا
ومحمـد العونـي سبقـنـي وقالـهـا
ويقـول فجحـان الفـراوي بجودهـم
منهم مثل شمر رخيـص(ن) حلالهـا
أحبهـم واحــب منـهـو يحبـهـم
وابغض من ابغضهم ولانـي بحالهـا
ويامـن يهجعنـي ويجبـر مصيبتـي
ويامن يـرد للنفـس معنـى سؤالهـا





تحيـــــاتــــــــي ،،،

[دوفر]

صح لسانك ولسان قايلها

تسلم اخوي الكونجرس على هذا الاختيار

بالفعل قصيدة رااائعه

يعطيك الف عافيه

لك تحياتي

[متعب]

قصيدة رائعة ومعاني جميلة

الف شكر لك اخوي الكونجرس على نقل هذه القصيدة الرائعة

[موت وميلاد]

صح لسانك ولسان قايلها

تسلم اخوي الكونجرس على هذا الاختيار

بالفعل قصيدة رااائعه

يعطيك الف عافيه

احترااامي

[ابوعتال]

الغالي الكونجرس

صح لسانك ولسان قايلها

واشكرك على نقل هذه المعلقه الجميله

تحياتي

[البيضاوي]

أنا لابتي هم خيـرة الخلـق والبشـر
عقب الصحابه لابتـي هـم اجزالهـا
زوبع هلي غلبا هـلا العـف والنقـى
وشمـر خيـار القـوم شمـر ثقالهـا
شمـر هـلا الـردات شمـر بوقتهـم
شمـر علـى كـل القبايـل افعالـهـا
ولو هي تعود امجـاد شمـر وعزهـا
شمـر علـى كـل الخلايـق ظلالهـا
شمر هلا النوهات شمرهـلا الخطـى
شمـر طنايـا طـي شمـر اجبالهـا
شمر اعفاف العرض شمر هلا الخـوي
الفكر صخرهـا ولا احـد(ن) قوالهـا
من غير قاصـر بالقبايـل وحضرهـا
منهم مثل شمـر علـى مـا مضالهـا
إذا الناس ارض(ن) وهم شمر رجومها
ومهما زموا بالـزود شمـر اجبالهـا
وإذا الناس غيم(ن) زام واستنزل البـرد
شمـر بحـر مـا ضايقـه باحتمالهـا
وإذا الناس غيم زام بالجـو وانتهـض
شمـر نجـوم ولا وصـل مستوالهـا
والله لـولا لابتـي ضـايـع الـوفـا
ومحمـد العونـي سبقـنـي وقالـهـا
ويقـول فجحـان الفـراوي بجودهـم
منهم مثل شمر رخيـص(ن) حلالهـا
أحبهـم واحــب منـهـو يحبـهـم
وابغض من ابغضهم ولانـي بحالهـا
ويامـن يهجعنـي ويجبـر مصيبتـي
ويامن يـرد للنفـس معنـى سؤالهـا


اااااااااااااااااااااااااد الطناياء

سلمت يديك وسلم لسان قايلها

ونا اقول للشيبان زود على قولك

كل (ن) تنخئ عزوتن له من الناس ........... ونا نخيت العزوه الشـــــــــــمريه

[زيــن]

صح لسانك وصح

ناقله ويعطيك الف

عافيه اخوي
ا
لكونجرس

[وحيد الليل]

صح لسانك اخوووووي الكونغرس..

عز الله انه خووووش قصيدة ..

يعطيك العافيه...