إلى الإداره ... شكوى

[راع الوفا]

إلى إداره منتدى خزامى
السلام عليكم ورحمه الله وبركاته
خلال تجولي في منتداكم الرائع لاحظت أن قصيده
(( لاصرت في صحتك والحال مستور )) قد نسبت إلى مشرف
ديوان الشعراء الشاعر / عبدالرحمن الفيصل (( الكايد ))
.. اضغط هنا لـ مشاهده القصيده .. (http://www.kozama.com/vb/showthread.php?t=7733)

.
.

والقصيده في الحقيقه تخص صديقي الشاعر / هزاع العاصمي
(( أسير الصمت ))
وليس من حق الشاعر عبدالرحمن الفيصل اخذ القصيده
ونسبها إليه علماً انني لاحظت في الردود مشكله في التواريخ
بحيث أن هذه القصيده نشرها الكايد بتاريخ 12 / 3 / 2006 م
ومايوضح سرقتها أن رد الكايد على القصيده في تاريخ
23 / 2 / 2006 م
كيف ينشر القصيده في شهر 3 / 2006 م ويتم الرد عليها
في شهر 2 / 2006 م ؟؟
وايضاً هناك ردود بتاريخ 52 / 11 / 2006 م
ايعقل هذا ؟!
واستنتج من هذا أن هناك تلاعب من المذكور

.
.

اما مايخص الإثباتات والدلائل التي لدى الشاعر هزاع العاصمي
فهي موجوده وسأضعها لكم

أول نشر لـ هذه القصيده في منتدى ساحات الدانه
اضغط هنا لمشاهده القصيده (http://www.addanah.com/vb/showthread.php?p=189648)


ثاني نشر لـ هذه القصيده في منتديات خزامى نجد
اضغط هنا لمشاهده القصيده (http://www.khozamanajd.com/vb/showthread.php?t=40773)


وقد نشرت في كثير من المنتديات
وهي ضمن قصائد الشاعر في ديوانه
القصيده في ديوان الشاعر (http://abyat.com/poem.php?id=38762&uid=9486)


آمل من إداره المنتدى إرجاع الحقوق إلى اصحابها
ولأن بقائها بـ إسم شاعر غير شاعرها فيه ظلم وإجحاف
واخذ حق الأخرين وأنا في إعتقادي أنكم لاتريدون هذا الشيء
وايضاً ليس في مصلحه المنتدى بصوره عامه حيث أن المذكور
مشرف على قسم ديوان الشعراء
آمل النظر في الموضوع وعدم تجاهله
اتمنى لكم التوفيق والسداد

كاتب الموضوع

الشاعر / عبدالرحمن محمد الحمد

[عطـــر النـــدى]

لــوو سمحــت اخــووي قــريت كــلامك و لااحظــت انــك مخــرربط بــين الووقــت و التــااريــخ


اللي هــوو وايضاً هناك ردود بتاريخ 52 / 11 / 2006 م << اللي اتكلم عنهــا اخــووي انت نااسخـها مع الوقــت


الحيــن بشــرحلك


الكـايـد نزل قصيــدتــه في التـاريخ 17 \ 12 \ 2006 و الوقـت 03:12 PM

و اللي ردواعليــه


موت وميلاد بتـايــخ 17 Dec 2006 و الوقــت , 03:22 PM

17 Dec 2006, 11:52 PM << الـ 52 اللي اتكلم عنهــا هــذا الوقـت مـو التااريــخ

يعنــي الووقــت صحيــح و حتـى التــاريخ بــس حــضــرتــك خــرربطت بينـهم


رفيجـك نــزل القصيـده فــي 17-12-2006, 03:16 PM يعنـــي بعــد الكـايــد بأربـع دقــايــق هــذا فــي منتــدى سـاحـات الداناا


فـي منتدى خزامى نجــد نزلهــا فــي سـنــه 2007 << يعنــي فــي فــرررق سنــــه


و هــذا تــااريــخ الموضــووع 17-02-2007, 11:30 AM



اتمنــى اوضحتلك الصــووره :)


هـــذي كــانــت تحريــااتـــي على المـووضـــوووع :D

[راع الوفا]

على العموم اشكرك على التوضيح
وفيه تلاعب بالوقت والتاريخ لكن انا بجيب الاثبات انشاء الله
والحق يبين وحسبي الله ونعم الوكيل
واعتقد ان موقع ابيات مايفعّلون ديوان شاعر يسرق
فـ كيف فعّلو ديوان الشاعر لانه قبل التفعيل يسير جرد كامل
على كل قصيده يطرحها قبل تفعيل ديوانه
وشكراً

[راع الوفا]

بسم الله الرحمن الرحيم
خلال البحث والتحري عن قصائد الشاعر الكبير هزاع العاصمي
ااتضح ان الكايد سرق كم هائل من القصائد
وهنا اقف بالدلائل والاثباتات

قصيده بغداد لـ الكايد
http://www.kozama.com/vb/showthread.php?t=7183
بتاريخ

14 / 11 / 2006 الوقت 03 : 08


اما الشاعر هزاع ( اسير الصمت )
اول نشر لها في الدانه
http://www.addanah.com/vb/showthread.php?t=15824

بتاريخ

28 / 5 / 2006 الوقت 55 : 12

بمعنى أن الفرق 6 شهور

علما بأن قصيده بغداد نشرت في جريده الجزيره
بـ اسم الشاعر هزاع الشليخي العاصمي القحطاني
وسوف ابحث عن رابط في موقع الجريده



هذا بحث سريع جداً
وجاري البحث ايضا
واتمنى عدم تجاهل الحق

[راع الوفا]

وانا اتجزم ان قصيده لاصرت في صحتك لـ هزاع
وايضا يوجد تلاعب اتمنى عدم التجاهل

[راع الوفا]

والله بتعب وانا ادور
وايضا هنا قصيده بعنوان ابشري بالقصيده
بالرغم ان عنوان القصيده روعه سنيني
الكايد
http://www.kozama.com/vb/showthread.php?t=6457

بتاريخ

4 / 9 / 2006 الوقت 27 : 05

اما الشاعر هزاع العاصمي (( اسير الصمت ))
في ساحات الدانه
بعنوان روعه سنيني
http://www.addanah.com/vb/showthread.php?t=15762

22 / 5 / 2006 الوقت 47 : 09


هذا كم دليل يدل على مصداقيتي اتمنى
عدم التجاهل وصراحه انا مصدوم كيف
وضعتوه مشرف على قسم الشعر مدري ؟

[راع الوفا]

وانا ابحث في قصائد الكايد وحنا الشعار
عيب نقول قصائد الشاعر اذا هو مب شاعر
على العموم قصيده بعنوان
زماني خاصمني وبالرغم من ان القصيده بعنوان
القلب الشاكي
http://www.kozama.com/vb/showthread.php?t=6183

بتاريخ

19 / 8 / 2006 الوقت 01 : 02

اما الشاعر هزاع العاصمي (( أسير الصمت ))
في ساحات الدانه
بعنوان القلب الشاكي
http://www.addanah.com/vb/showthread.php?t=17089

بتاريخ
13 / 8 / 2006 الوقت 10 : 01

يعني الفرق 6 ايام
والله بتعب وانا ادور
يعني اعتقد ان هذه الادله كافيه
لكن انا في صدد البحث
واتمنى الإهتمام من الإداره
لان هذا غير طيب في سمعت الإداره
وضع مشرف مثل هذا

[راع الوفا]

وهذا دليل ايضا على اعجاب الكايد بالشاعر هزاع العاصمي
(( أسير الصمت ))
بقصيده عنوانها رايتي عاشت بلادي وهي في الحقيقه بعنوان
رساله إلى ارض الوطن
http://www.kozama.com/vb/showthread.php?t=6687

بتاريخ

22 / 9 / 2006 الوقت 04 : 06

اما بالنسبه لـ الشاعر هزاع (( أسير الصمت ))
في ساحات الدانه
بعنوان رساله إلى ارض الوطن
http://www.addanah.com/vb/showthread.php?t=15661

بتاريخ

8 / 5 / 2006 الوقت 41 : 10

الفرق كما تلاحظون اربعه شهور
اشكر الكايد على اعجابه بالشاعر هزاع
آمل من الإداره بالإهتمام بالموضوع
لان بصراحه كل ما ابحث اجد قصائد كثيره لـ هزاع
فانا اقسم ان جميع قصائده لـ شعراء غيره ولو تبحثون
لتجدون انني صادق في كلامي

صراحه انا ماادري كيف وضعتوه مشرف لشعر
يعني هذي ادله واضحه ان الكايد طمع في حقوق الغير
وجاري البحث والله يستر

[موت وميلاد]

صباح الخير اخوي راع الوفا

وقبل كل شي ,, تأكد أن ما قدمه الكايد ,, يمثل نفسه فقط ولا يمثل الاداره بـ شي سوا التكليف الذي كلف به ,, من حذف وتكرار للموضوع ونقل للموضوع
اما بخصوص ما ذكرت اخي ’’ ( تلاعب بالوقت) ان كنت ترمي ان هناك تلاعب من قبل الاداره بشي فـ انت مخطئ ,, اتمنى ترد علي بخصوص هذه النقطه ’’

اما بخصوص قصيده لا صرت في صحتك والحال مستور نشرت لـ هزاع في موقع ابيات بتاريخ 11\6\1422 هـ
http://abyat.com/poem.php?uid=9486&id=38762
كفيت ووفيت بـ إرجاع الحق ( المسروق ) لأصحابه

وكل الاعتذار لـ صديقك هزاع على ما بدر من مشرف ( سارق ) للقصيد انتسب لـ منتديات خزامى

اكرر إعتذاري باسمي واسم اعضاء خزامى ,, ونتمى مشاهده شاعرنا هزاع بيننا لكي نفرح بـ أجتماع صدق الحروف هنا وطهرها من دون زيف ولا خداع


اول القرارات : عزل الاشراف عن الكايد ,

ومن هنا ننتظر الكايد (( أن كان له وجهت نظر )) أخري غير ما أطلعتنا عليه أخوي راع الوفا


تحيه تقدير واحترام لـ قلبك الصادق اخي راع الوفا ’’

اخوك \ موت وميلاد

[راع الوفا]

هلابك يا القرم
انا سـ اتوقف عن البحث
وبالنسبه لقولي أن هناك تلاعب انا لا اقصد المنتدى بعينه
ولكن اقصد الكايد لانه مشرف وبدرت مني بلحضه غضب
لانه بصراحه عندما تنظم قصيده وتتعب عليها وتجدها منسوبه لغيرك
فهنا سوف تحس بشيء من الغبن والقهر لان الشاعر هزاع العاصمي
شاعر كبير وغني عن التعريف وهو معروف في القنوات الشعريه
ومكسب لـ اي منتدى
واشكرك شكر يليق بمقامك ايها النبيل
وسوف احاول بـ إذن الله التسجيل انا والشاعر هزاع العاصمي بالمنتدى
مدام فيه ناس نبلاء ومميزين في تعاملهم مثلك اخي الكريم
وانا اسف كل الأسف اذا بدر مني كلام غير لائق بالمنتدى
ويعلم الله اني لا اقصد المنتدى ابداً

[الـكـايـد]

هلابك يا القرم
انا سـ اتوقف عن البحث
وبالنسبه لقولي أن هناك تلاعب انا لا اقصد المنتدى بعينه
ولكن اقصد الكايد لانه مشرف وبدرت مني بلحضه غضب
لانه بصراحه عندما تنظم قصيده وتتعب عليها وتجدها منسوبه لغيرك
فهنا سوف تحس بشيء من الغبن والقهر لان الشاعر هزاع العاصمي
شاعر كبير وغني عن التعريف وهو معروف في القنوات الشعريه
ومكسب لـ اي منتدى
واشكرك شكر يليق بمقامك ايها النبيل
وسوف احاول بـ إذن الله التسجيل انا والشاعر هزاع العاصمي بالمنتدى
مدام فيه ناس نبلاء ومميزين في تعاملهم مثلك اخي الكريم
وانا اسف كل الأسف اذا بدر مني كلام غير لائق بالمنتدى
ويعلم الله اني لا اقصد المنتدى ابداً

ماقلنا في العاصمي شيء ..
هلابك أنت وهزاع العاصمي ..

لكن مسئله توصل تشويه سمعه ..الخ

لا ياعزيزي ..

أنا راح أجيب لك أثباتات مثل ماجبت ..

وهذا مايمنع تكون أنت نفسك هزاع العاصمي ..

وأنتظرني قريباً

[راع الوفا]

الكايد مافيك حيله ماخليت قصيده إلا نسبتها لك


http://www.kozama.com/vb/showthread.php?t=6963
همس القلوب
26 / 10 / 2006


الشاعر هزاع العاصمي (( أسير الصمت ))
http://www.addanah.com/vb/showthread.php?t=15983
15 / 6 / 2006

معليش يا الاداره بنتعبكم شوي
لكن يعني عقب الكم الهائل من هذه القصائد المسروقه
لابعد يمكن اللي ماهيب لـ هزاع لغيره
انا اعتقد ان كل شي واضح وصدقني يا كايد
ان الشاعر هزاع لا يعلم بشيء من هذا كله
ولكن ابحث وابحث لين يشيب الراس والله يا الحق
ان يرجع لـ اصحابه ياخوي قصائد كثيره ومن نفس المنتدى
ونفس الشاعر ماتقول انك تعرفه زين وهذا كلها ادله واضحه
تحياتي للإداره ابو نواف وماقصرت يا القرم
لكن انا سوف ابحث عن قصائد لشاعر
وراح القى بعد وانا متأكد
واذا الإداره تسمح لي اني ابحث عن جميع قصائده
فـ انا مستعد ابحث وابرهن ان جميع قصائد ليست له
يمكن ثنتين ولا ثلاث وانا يا الكايد ليش اشوه سمعتك
انا ما اعرفك ولا بيني وبينك شي ليش اشوه السمعه
انا ارجع الحق إلى اصحابه ولو ان القصيائد لك محد بيتكلم واتحدى
واول من يصفق لك انا وان كانك تبيني حياك الله
http://abyat.com/poet.php?id=7438

اسف على الإطاله


ع العموم اسف على الإطاله
وانا في انتظارك يا الكايد

[الـكـايـد]

هههههه

طيب وش فيك عجل

لا عطيناااك إللي عندنا ساعتها قل إلي تبي ..

[راع الوفا]

لا انا مني عجل انا بشوف القصائد اللي لطشتها واضمن حق الشاعر
وبعدها سو اللي تبي

[راع الوفا]

بسم الله الرحمن الرحيم
كلي جنون
http://www.kozama.com/vb/showthread.php?t=7067
تاريخ
5 / 11 / 2006


الشاعر هزاع العاصمي (( أسير الصمت ))
بعنوان رساله إلى ابنتي
http://www.addanah.com/vb/showthread.php?t=16369
بتاريخ
4 / 7 / 2006


كايد حرام عليك ياخوي وش نجيب وش نخلي
والله يا انك عارف انها مب لك
طيب يومك تاخذها ليش تحرف في البيت الاخير
وياليتك حرفته زين بل كسرت البيت
يامشكاي لله

الكايد


أهٍ تَعِبـتُ مِـنَ الزَمـانِ فَعَلـنِـي = أجـدُ الامـانَ لإمـراءُةٍ تَتَدَلَـلِـي

عندك في العجز كسر يا الخوي


الشاعر / هزاع العاصمي (( أسير الصمت ))


أهٍ تَعِبـتُ مِـنَ الزَمـانِ فَعَلـنِـي = اجـدُ الامـانَ لِطِفْـلـةٍ تَتَدَلَـلِـي


والخافي اعظم

[راع الوفا]

وهنا قصيده هزاع ممداه ينزلها إلا الكايد ماخذها
لعاب لعاب <<< مدري من وين جبت ذا العنوان
http://www.kozama.com/vb/showthread.php?t=7026
بتاريخ
31 / 10 / 2006 الوقت 12 : 11 م

الشاعر هزاع العاصمي
اسمح لي ارحل
http://www.addanah.com/vb/showthread.php?t=17868
بتاريخ
31 / 10 / 2006 الوقت 12 : 9 ص

فرق ساعات بس وهي موجوده في ديوان الشاعر
واكثر القصائد السابقه ايضا
إليكم ديوان الشاعر كاملاً
http://abyat.com/poet.php?id=9486

معليش ياالإداره
بنتعبكم شوي لكن بعد مااجرد كل مشاركاته
وانتهي

[راع الوفا]

هذا ما عندي الأن
وقد اتصلت بالشاعر هزاع العاصمي (( أسير الصمت ))
وجاه علم بالموضوع وابدى استعداده بالتسجيل بالمنتدى
وتحت الخدمه لإداره المنتدى
وشكرا

[عطـــر النـــدى]

كفيــت و وفيــت اخــووي و بينت لنــا حقيقــه كنــا مخــدووعيــن فيــهااا


و الحمــد للــه رجــع الحـق لصحــاابــه :)


يعطيــك ألــــــف عااافيــــــــه ،،،


لا عدمنــــــــــاااااك :)

[راع الوفا]

العفو اختي
وبالعكس انا مبسوط جداً بـ إدارتكم فعلاً نبلاء
وانشاء الله عن قريب سـ نغرق هذا المنتدى بـ الشعراء
اتمنى لكم التوفيق والسداد

[MMK]

الكــايد >> النحشه :D

ههههههههههههههههههههههههههههههه

أجل طلع حرامي هـ الشاعر ههههههههههه

قال شاعر قال ....

//

هذا غير سرقة التصاميم

//

الف شكر ../.. راع الوفا

[الحياة]

الله بيرجع الحق لاصحابه
ويعطيكم الف عافيه يالادراة

[ملـــح العذارى]

اخيه وش هالفشيله

انا تفشلت شلونه هو؟؟؟؟ هههههههههههههههههههه

راع الوفا يعطيك الف عااااااافيه على انقاذ خزامى :)

الكذب حبله قصير سبحان الله

[][ضـــاوي][]

اخيه وش هالفشيله

انا تفشلت شلونه هو؟؟؟؟ هههههههههههههههههههه

راع الوفا يعطيك الف عااااااافيه على انقاذ خزامى :)

الكذب حبله قصير سبحان الله

:)

وانتي مستانسه انتي ووجهك

الله يستر منك بتزيدين النار حطب

:z59:

[وحيد الليل]

قال ايش قال شاعـر ( الغفـله ) ,,

الله يفشلكـ ويكصم وجهك مثل ما فشلتنا عند الرجال ,,

ينطبق عليه المثل ( ان لم تستحي فا اصنع ما شئت ) ,,,

كلنا ناسف على هاذا الفعل المشين الي ماهو من شيم الرجال ,,,

وان كان للاخ هزاع حق او له مطالبـه تراء هاذا ان اطق صدري لكـ يخوك وخله يامر وعندك الرسايل الخاصه كلمني ,,,

نكرر اسفنا اخي الكريم

ودمتا بخير وعافيـه

[][ضـــاوي][]

قال ايش قال شاعـر ( الغفـله ) ,,

الله يفشلكـ ويكصم وجهك مثل ما فشلتنا عند الرجال ,,

ينطبق عليه المثل ( ان لم تستحي فا اصنع ما شئت ) ,,,

كلنا ناسف على هاذا الفعل المشين الي ماهو من شيم الرجال ,,,

وان كان للاخ هزاع حق او له مطالبـه تراء هاذا ان اطق صدري لكـ يخوك وخله يامر وعندك الرسايل الخاصه كلمني ,,,

نكرر اسفنا اخي الكريم

ودمتا بخير وعافيـه


سلامات ابو ساره !؟؟
وش فيك !؟؟
الموضوع مايستاهل كل هالطهبله
نحن بدورنا نقدم كل الأسف لما بدر من الكايد
لكن لاننسى جهوده وماقام به بمنتديات خزامى
فكل إبن آدم معرض للخطأ وخير الخطاؤن التوابون

ولكن لانزيد من النار حطب ,,, لست مدافعا عن الكايد ولست بصفه لكن أتمنى أن لانصل لهذا المستوى من الإنفعال لدرجة التهكم

كبيره عليك والله يابو ساره !؟
أتمنى أنك تفهم وش أقصد

[الالماسه]

الله يسامحكـ يالكايد وحنا نمدح بشعركـ اثاري ماهوب انت اللي تكتب

مافيه شئ لو كتبت منقول تحته واسم الشاعر ولا يصير اللي صار لكـ !!

[وحيد الليل]

ضااااوي هاذا اساء للمنتدى ورجال المنتدى واساء لنا كلنا به التصرف والفعل المشيـن
يسرق قصايد لغيره بي حق ها الفعل المشيـن بعدين انا تهكمت ولا شي انا قلة كلمة حق وكلمة
يقوله الرجال الصريـح وهاذا اخـطاء ويجب ان يدعو الرجال صاحب القصيده ويتعذر له امام الجميع وان توقف عضويتـه ,,

وهاذي وجهة نظر وانصاف لصاحب القصيدهـ

علم الردي بينته صواديف الايامـ

[@الطير@]

ياربي وش هالصدمه

جاني الخبر

والله ياهي قوووووووووووووويه


ايه والله على قولت ملووحه حنا تفشلنا


الحمدلله
الله يبن الحق


مشكور يا راعي الوفا

[.. ريميه عجميه..]

[[[لا تعليق ]]]

الله يمهل ولايهمل

وربي مايضيع حق احد

من حفر حفره لأخيه المسلم وقع فيهااا

ازرع شر تلاقي شر يالكايد ( اللهم لاشماته )

[.. ريميه عجميه..]

راع الوفا يعطيك العافيه ومشكووور ع التوضيح

والأداره والأعضاء كلهم يرحبووون فيكم

وياهلا ومسهلا فيكم بأي وقت والمنتدى يتشرف بتواجد

أقلام وناس طيبه مثلك وشرواك

http://www.kuwaitup.net/up/uploads/9950-4543-5975.gif

[راع الوفا]

كل الشكر لكم ولأقلامكم ايها النبلاء
وعلى قولة أحد الشعراء


ديره اقدرها على شان ديره = وديره اقدرها على شان رجال

(( لـ جل عين تكرم مدينه ))

والله انكم ناس طيبه وتستاهلون كل الخير
وفعلاً هذا شيء مشين في حق الشعر


يلكز ويرزم كل مالزها كوم = يبي يكون النجم فوق الثريا

بوح / عبدالرحمن الحمد <<< كفو يابو محمد :)

.
.


ياوجد حال القلـب عـوّد علـى مـاش = يــوم الـصـداره عــوّدت للخفـافـيـش
إلى أن قال

هـذاك يسـرق فـكـرة الغـيـر يعـتـاش = يطرد ورى الشهره بتفكير من طيش
إلى أن قال

وهذيـك تكتـب والجماهـيـر عـطّـاش = تنظـم قصيـد وكـل بـيـت ٍ بتغشـيـش
وعوّد زمـام الأمـر/ بيديـن الاوبـاش = وأهل القصيد الجزل ماتـو معاطيـش
إلى أن قال

وياساحـة الشّعـار باتـي بـلا فــراش = دام انكـبـونـا لابـسـيـن الـطـرابـيـش
إلى أن قال

يصيـد حــرّ ويـاكـل الصـيـد خـفّـاش = عزّي لحر ٍ بات بيـن الخفافيـش

بوح / خالد بن سلمان <<<< يالبا قلبك يا الخوي :)

.
.


يامبتليـن الشعـر خـلـوه للعارفـيـن = خلوا جـزال القوافـي عنـد فرسانهـا
واليا دخلتوا بحـور الشعـر يالمبتديـن = قيـادة السفـن خلوووهـا لقبطانـهـا

بوح / سعد الحويماني <<< يالبا قلبك يابو حسن :)

.
.

بارك الله فيكم اخواني / تي
منتدى رائع إلى ابعد الحدود
وبالنسبه للكايد الله يهديه لـ نفسه(والشمس لا تغطى بغربال )
صادفنا كثير من هذا النوع وفي النهايه
يرجع الحق إلى اصحابه
ولنا تواصل معكم انشاء الله
وراح ندعي شعار إلى هذا الصرح الراقي
بالتوفيق انشاء الله

[آدم]

اخييييييييييييه



لا تعليق

[][ضـــاوي][]

ضااااوي هاذا اساء للمنتدى ورجال المنتدى واساء لنا كلنا به التصرف والفعل المشيـن
أنت قلتها تصرفه وتصرفه مردود عليه لا يحسب على المنتدى

يسرق قصايد لغيره بي حق ها الفعل المشيـن بعدين انا تهكمت ولا شي انا قلة كلمة حق وكلمة
يقوله الرجال الصريـح وهاذا اخـطاء ويجب ان يدعو الرجال صاحب القصيده ويتعذر له امام الجميع وان توقف عضويتـه ,,
ثبت ملياً بصحة الموضوع وأخذ جزاه بإبعاده عن الإشراف ,,,

وهاذي وجهة نظر وانصاف لصاحب القصيدهـ
يستطيع هو بدوره أن يأخذ حقه بيده وبفكره ,,, ولليس لأي منا الأحقيه بالتدخل للأخذ بحقوق الغير الا أذا أراد غيرنا أن نأخذ بحقهم ... فالشاعر (( راع الوفا)) سلك أمور نضاميه وكسب الرهان لسنا في صدد الدخول لمهاترات


علم الردي بينته صواديف الايامـ
وتقول ماتهكمت يابو ساره ,, أتمنى أنك تهدي نفسك شوي وتستوعب الي قلته لك وطلبته منك
وأعتقد أنت قلت بعضمة لسانك طلبك عزيز وغالي فياليت نسكر هالباب ....

وكل عام وأنت بألف خير

[][ضـــاوي][]

راع الوفاء صح السانك

وحياكم الله انت والشاعر (( هزاع ))

وياليتها قدمت :) هالشغله لأجل تشرفونا بزيارتكم ومشاركتكم معنا :)

[وحيد الليل]

وانت بخير وصحه وسلامـه ( ابو احمد ) ,,,

عزيز وغالي

الموضوع انتـهاء

فمانـ الله

[][ضـــاوي][]

كفووو ابو ساره هذي عوايدك

ونت بخير وصحه وسلامه

[~ أميرة الورد ~]

واااااااااااااا فضيحتااااااااااااة

طلع بواااااااااااااااااااااق قصايد

حرااااااااااااام كان نطرت لي بعد العيد حرام عشان يعيد ويتهنى وبعدين فضحتة

تلقاه الحين بصوب والناس بصوب واااااااعليا عليه يكسر الخاطر

بس المشكله فوق الشين قوات عين


<< لا تبوق لا تخاف>> :z75:

[][ضـــاوي][]

واااااااااااااا فضيحتااااااااااااة

طلع بواااااااااااااااااااااق قصايد

حرااااااااااااام كان نطرت لي بعد العيد حرام عشان يعيد ويتهنى وبعدين فضحتة

تلقاه الحين بصوب والناس بصوب واااااااعليا عليه يكسر الخاطر

بس المشكله فوق الشين قوات عين


<< لا تبوق لا تخاف>> :z75:


الموضوع انتهى برمته

أتمنى من الاداره قفل الموضوع أو حذفه وذلك بسبب عدم التشمت !!؟؟