ㄨ乂 مـــَـَـَـَـــــزون عـِـِـٍـِـــشـــقـًَـًـًـــي ㄨ乂

[الامير]

هلت مزون عشقي تباشرت بالحيا
وازهرت روض حبك ورد شيح وخزام

ياهلا يانور عيني بطلة هالضيا
كل مافيني يهلي ويهدي لك سلام

و اعذابي يوم قفت وهي تمشي بحيا
وقفت عروق قلبي بتولع وانهيام

آه ياطولن تثنى حتى انه ليا
صار قدام عيني راح عني حرام

منك سهم رماني وزاد فيني العيا
منك استحلي طعونك منك ياحلو السهام

ليتني أنا وظلك قرايب واخويا
واقترب واشم عطرك بتهدي وانسجام

أعشقك عشق صافي مايخالطه الريا
ودام مسكنك روحي فلا تخاف ولاتضام

ودام بالقلب تجلس وضلوعي لك فيا
وعروق قلبي دروبك فتمشى يالمرام

حط كفي بكفك على المحبه اوفيا
ونتعاهد بالوفا ونتعاهد بالغرام

حالفن ماحب غيرك ومقامك عاليا
يابعد كل الخلايق انت يابدر التمام

فيك شعري ماألومه لا نزع ثوب الحيا
وكل شي عقب عشقك ماأضنه يلام

وكل غصنٍ عقب هجرك شوفه باليا
وكل عين عقب شوفك جافاها المنام

قصيده اعجبتني وحبية ان انقلها لكم

[----ML7----]

صح الله قليبه ,, اختيار روعه جعلك تسلم يابعد تسبدي
بس مكانها بوب هنا ,, ريميه يدينك يُنقل لـ التاريخ والتراث

[الامير]

صح الله بدنك اخي الكريم ملح ..

اتمنى هذه القصيدهـ نالت اعجابكـ وتمتعت بقرائتها ...

اشكرك المشرف او المشرفه على النقل لاني انزلة القصائد في عجاله ..

شاكر مرورك واهتمامك

دومتا بمحبه

[MMK]

حالفن ماحب غيرك ومقامك عاليا
يابعد كل الخلايق انت يابدر التمام

قصيدهـ رووووعه يالأمير

لاهنت

//

MMK

[.. ريميه عجميه..]

صح الله لسانك ولسان كاتبهاا

أختيااار رائع وذووووق

في انتظار جديدك :)

http://www.swahl.com/up/m89/swahlcom_12ac.gif

[][ضـــاوي][]

أعشقك عشق صافي مايخالطه الريا
ودام مسكنك روحي فلا تخاف ولاتضام


الله عليك يالأمير

صح السانك ولسان قايلها


لاعدمناك